IIT Bombay e-PG Diploma in CS & AI: Eligibility, Fees, Apply 2026

Jab main Sawargaon me tha tab sochta tha IIT Bombay sirf JEE toppers ke liye hai. Lekin ab scene badal gaya hai. IIT Bombay ne apna naya e-Postgraduate Diploma (e-PG) in Computer Science & AI launch kiya hai, aur ye hamare jaise working professionals aur chhote sheher ke engineers ke liye hai. Mere ek dost ne pucha, "Dinesh bhau, job karte hue IIT ka tag kaise milega?" - Toh ye article usi ke liye hai. Barsagag ne pura detail nikala hai.

IIT Bombay e-PG Diploma kya hai- Ye 18 mahine ka online program hai, jo IIT Bombay khud design kar raha hai aur Great Learning iska ed-tech partner hai. Classes June 2025 se start hongi aur enrollment abhi open hai. Isme 6 advanced courses honge - Advanced Programming, Computing Systems, Artificial Intelligence, aur Machine Learning. Sabse badi baat - course complete karne ke baad aapko IIT Bombay Alumni ka status milega. Matlab aapka LinkedIn profile pe IIT Bombay Alumni likha hoga! Ye course khaas kar Software Developers, Data Scientists, IT Professionals aur hamare jaise engineers ke liye banaya hai jo apni skills ko upgrade karna chahte hain.

Kaun Apply Kar Sakta Hai? - Eligibility Clear Samjho- Yahan bahut log confuse hote hain, isliye dhyan se padho: Type 1 - Direct Eligible Ho: Agar aapke paas BE, BTech, BS (4-year), MSc ya usse upar ki degree hai - Computer Science, Information Technology, Artificial Intelligence, Data Science, ya Mathematics and Computing me - toh aap direct apply kar sakte ho.

Type 2 - Dusri Branch Wale Bhi Kar Sakte Hain: Agar aap Mechanical, Electrical, ya kisi aur engineering branch se ho, toh bhi tension nahi hai. Aap eligible ho agar aapke paas ye 3 cheezein hain: GATE ka valid score (Computer Science ya Data Science me) Kam se kam 2 saal ka relevant work experience (CS, AI, Data Science field me) Aapne college me CS, IT, AI, ML ya Data Science ka minor kiya ho. Matlab Nagpur, Umarkhed ke bahut saare engineer's jo IT company me 2-3 saal se kaam kar rahe hain, wo bhi iske liye eligible hain.

Fees Kitni Hai aur Selection Kaise Hoga- Sach bolu toh fees thodi high hai, lekin IIT tag ke hisab se worth hai. Total Fees: Rs 6,00,000 + GST Isme Rs 60,000 registration fees hai, aur baaki Rs 90,000 per course (6 courses). Selection Process 3 step me hai:

Online Application Bharo- Ek Online Test hoga + Screening Call Offer Letter ayega aur fees bhar ke admission confirms.  IIT Bombay ke Director Shireesh Kedare ne khud kaha hai ki ye program ka maksad quality computer science education ko har kone tak pahuchana hai. Great Learning ke CEO Mohan Lakhamraju ne bhi bola hai ki ye AI, cybersecurity aur cloud computing me career banana walon ke liye best hai.

Mere Hisab Se Kya Karna Chahiye- Dekho, agar aap Umarkhed, Yavatmal, Nagpur belt se ho aur 2-3 saal se IT me ho, toh ye aapke liye golden chance hai. TCS abhi 8900 AI engineers le raha hai (jiske baare me maine pichhle article me bataya tha), aur sab companies ko AI wale log chahiye. Is diploma se aapka resume top pe ayega. Mera suggestion hai - agar aap eligible ho toh Great Learning ki official site pe jaake jaldi apply karo, kyunki seats limited hain.

Official Link: iitb.ac.in par jaake e-PG Diploma search karo.Aapko kya lagta hai - kya 6 lakh fees worth hai? Comment me batao, Barsagag aapke sawal ka jawab dega.